პარტია "ევროპული საქართველოს" ლიდერი გიგი უგულავა და "ნაციონალური მოძრაობის" ლიდერი გიორგი არველაძე სოციალურ ქსელში ერთმანეთს ღიად დაუპირისპირდნენ და საჯაროდ შეურაცხყოფასაც არ მოერიდნენ.
დაპირისპირების მიზეზი ის განცხადება გახდა, რომელიც "ვეროპულმა საქართველომ" ვიზალიბერალიზაციის დღესთან დაკავშირებით გაავრცელა. აღნიშნულ განცხადებას ფეისბუქზე გიორგი არველაძე გამოეხმაურა. მან ბოკერია-უგულავას გუნდს "ევროქოცები" უწოდა, რასაც უგულავას მიერ მწვავე რეაქცია მოჰყვა.
"ევროქოცებს" შეგნებულად არ გეძახდით და არც ვაპირებდი. მაგრამ ის, რომ საქართველოს ევროპისკენ 2012 წლიდან დაუწყია სვლა მხოლოდ "ევროქოცს" მოუვიდოდა თავში. ამიტომ ნათლობას გილოცავთ! ამ დიდებული განცხადების მერე ჩემ თვალშიც "ევროქოცები" გახდით..თქვენი არჩევანია და არ შემიძლია პატივი არ ვცე", - აღნიშნა არველაძემ.
"გიორგი შეგნებულად არ ვაპირებდი და დიდი, ძალიან დიდი ხანია თავს ვიკავებდი, მაგრამ ახლა კი უნდა გითხრა - ძალიან მაგარი ყ...ე ხარ, იყავი, ხარ და ასეთად დარჩები როგორც სჩანს. დანარჩენს სადმე როცა გადამეყრები ერთი "ნათლობის" პანჩურს ამოგცხებ ( მეტ დროს და ენერგიას შენ არ იმსახურებ). მანამდე იმედია წაკითხულიდან შინაარსის გამოტანას ისწავლი. გასაგებია!" - უპასუხა გიგი უგულავამ.
|